შეხვედრა ბელარუსის რესპუბლიკური სამეცნიერო-პრაქტიკული ცენტრის „კარდიოლოგიის“ დირექტორთან ნატალია მიტკოვსკაიასთან

2024 წლის 28 თებერვალს ბელარუსის რესპუბლიკაში საქართველოს საქმეთა დროებითი რწმუნებული გიორგი საგანელიძე ბელარუსის რესპუბლიკური სამეცნიერო-პრაქტიკული ცენტრის „კარდიოლოგიის“ დირექტორს ნატალია მიტკოვსკაიას შეხვდა. შეხვედრაზე განიხილეს ცენტრსა და ქართულ კლინიკებს შორის ურთიერთანამშრომლობის საკითხები. ნ. მიტკოვსკაიამ გამოთქვა მზადყოფნა მიიღოს ქართველი სპეციალისტები, რომლებიც დახელოვნდებიან პაციენტების რეაბილიტაციის პროცესის ეფექტურად წარმართვაში.